في هاي الايام صار الطقس ابرد
بتتكون طبقة ضبابية على زجاج السيارة في ساعات الصباح
بوخذ وقت للمساحات والمكيف الموجه للزجاج الامامي يخفف الضباب، وشوي شوي بصير بالامكان اشوف بوضوح اكثر واوصل بامان لمشاويري او مكان عملي
تخيلوا لو تمشوا كل يوم بالسيارة مع هذا الضباب على الزجاج الامامي
تخيلوا كل المشاوير وكم حادث ممكن نسبب بسبب هذا الغباش
وكمان فكروا كم حادث بنمنع لما يكون الزجاج نظيف والرؤية واضحة
فكروا فيها شوي بخصوص اوضاعكم المالية
في ناس هيك ماشية كل يوم في حياتها
ماشيين بالسيارة مع الضباب او الغباش على الزجاج الامامي وعدم الوضوح بالنسبة لوضعهم المالي- مش واضح قديش بربحوا ، شو بصرفوا، وحتى قديش بحتاجوا عشان يعيشوا حياة كريمة لائقة
التدريب المالي بساعد على ازالة الضبابية وتوضيح الصورة وكمان بوجه للحلول وبمنع الحوادث المستقبلية . ممكن كمان يساعد بتصليح الانبعاجات اللي نتجت عن الاصطدامات السابقة وكمان يمنع حدوثها في المستقبل.
شو رح يكون شكل حياتك لما يصير فيها وضوح اكثر ؟
Comments