وجع ساعة ولا وجع كل ساعة

وجع ساعة ولا وجع كل ساعة

شخص مريض بوخذ مسكنات بتنسيه الالم وما بعالج المرض نفسه - بنسى الالم لوقت محدود وبعد ما يروح مفعول الدوا برجع الم اقوى واصعب

هو بعرف انه رح ييجي وقت مش رح يقدر يوخذ كمان دوا ورح يضطر يعالج المرض نفسه ومش بس العوارض! بس متناسي! وبفكر انه الامور رح تنحل لحالها او بحلول سطحية وبدون مجهود كبير ولا تنازلات.

بس يصير في وضع المسكنات بطلت تنفع. وهو مجبور يتعامل مع المرض وينتزع المسبب للالم ، بكون المرض صار كثير كبير ومتفشي واحيانا يضطر الطبيب يقتلع اجهزة حيوية في الجسم بامكانها تؤثر على جودة حياته بدون رجعة

لو كان الالم هو نقص في الحساب البنكي والمسكن هو قرض غير مدروس بسكن العوارض بدون ما يحل المشكلة الاساسية . هل العلاج هو انه أوخذ كمان قرض من مكان ثاني ؟ واللا في حلول ثانية ؟؟